感謝媽媽們對我嘅著作 -「BB的第一本食譜: 100個嬰幼兒食譜」嘅支持! 由2015年7月出初版,2015年10月出第二版,到而家已經係第5版喇! 星加坡同馬來西亞嘅朋友仲有「簡體版」喔!

話說BB食譜書嘅讀者嘅小朋友都開始大, 所以媽媽們都問我幾時可以出一本大小朋友 (2歲以上) 啱食嘅食譜書, 我由2015年已經好想出本大BB書, 不過因為公私兩忙, 令大家久等了!! 2018年頭我俾咗個目標自己, 就係要係今年整理好D食譜, 出一本大人同小朋友都啱食嘅家庭食譜~ 同出版社商討過後, 大家最後決定了用 「靚媽修身食譜」作為書名, 因為本書所有食譜都啱 (1) 減磅 keep fit 中的媽媽們, (2) 想食好嘢嘅小朋友同爸爸們~

究竟點解會有這本書?

自序:

好開心「100個嬰幼兒食譜」出至第四版了~ 媽媽們都問我什麼時候出一本適合一家大小的食譜 (自己想 keep fit, 又適合小朋友的), 對不起, 要你們等了3年! 但是我沒有忘記架! 工作忙碌、湊小朋友忙碌,但「為母則強」! 為大家獻上我的新著作, 我們要一起成為「入得廚房, 出得廳堂」的靚媽媽喔~

(為紀念結婚7週年, 孖寶Daddy 幫我影咗幾張相留念, 真係好開心喔~~ )

地點: 淺水灣

認識我的, 都知道我是一個吃貨,「食」絕對比任何嘢更重要! 那麼我這個吃貨是怎樣練成的呢? 話說我外公年青行船時是二廚, 之後轉行當上農夫 (對, 香港是有農夫的!), 我記得小時到外公家裡, 會到田裡幫下手 (其實是玩就真, 拔拔草、澆澆水、番下土、摘下菜), 瓜菜都是即摘即煮的, 新鮮不新鮮, 一吃就知吧~ 工作完畢, 大家總會圍在一起包雲吞、整包、包湯丸或整茶粿… 他總是喜歡在廚房裡為家人製作大餐, 相信我對「食」同「煮」嘅熱情就是從那時開始培養的~ (烹飪對我來說, 絕對是一種承傳~)

自有記憶開始, 每當有家庭聚會, 長輩們都會歡歡喜喜的交流烹飪心得、什麼蔬果當造、當然不少得傾下「今晚食乜餸?」吧.

自從做了媽媽,「今晚食乜餸?」這個問題似乎每日出現~

家中各人各有要求:

  • 減磅 keep fit 中的媽媽們 (包括我自己): 健怡、最好一家人啱食
  • 小朋友: 要多花款、色彩繽紛、美味
  • 爸爸們: 要好味、惹味、甚至濃味!
  • 作為營養師媽媽的我: 要健康、少油、少鹽、少糖, 多選用天然食材….下刪一百字
  • 家中大廚 (負責煮的): 要簡單、易整、快 (無論自己或工人姐姐都因為要湊小朋友, 非常忙碌, 所以這點非常重要!)

我就一次過滿足大家嘅所有要求吧! 這本食譜書是給減肥中的媽媽用, 但我都係忍唔住, 希望菜式都是適合一家大細, 滿足所有人的願望。

內頁:

哪裡可以找到「靚媽修身食譜」?

一般書局 (大眾、商務、三聯等) 。

書名: 靚媽修身食譜

作者: 營養師 Katrina – 詹佩鳳 (筆名: 營孖媽)

語言: 中文,(食譜: 附英文翻譯)

ISBN: 9789882029927

  • 美國註冊營養師 兼 美國兒科專科營養師Katrina2
  • 美國體重管理教練
  • 美國肯塔基大學營養及飲食治療碩士
  • 香港中文大學食品及營養科學學士
  • 歷任港安醫院臨床營養師、美國 St Joseph Hospital (聖約瑟醫院) 臨床營養師
  • 美國營養師學協會會員
  • 美國營養學會 (執業兒科營養) 會員
  • 美國海外營養協會會員
  • 香港兒科學會 (Associate Member)
  • 香港過敏協會 (會員)
  • 香港執業營養師公會會員
  • 香港公開大學客席講師
  • 煤氣烹飪中心客席導師

【BB的第一本食譜 :100個嬰幼兒食譜】

https://goo.gl/W4ByNZ