《今晚食乜餸:蒜蓉炒花甲》🧄😋 (5分鐘可完成)

最近抗疫, 晚餐留多咗係屋企食, 今晚我親自落廚整樣0難度、老公/孖寶/婆婆都鐘意食、5分鐘攪掂👌🏼😋

<俾你估下> (答案在最下)
要增強免疫力, 需要攝取邊種營養素呢?
(A) 鐵質
(B) 鋅質
(C) 兩樣都啱

提示:花甲都有好豐富哩D營養素架

材料:
花甲1斤
蒜蓉1-2湯匙
芫荽少許

做法:

  1. 炒香蒜蓉
  2. 加入花甲, 略炒.
  3. 加少少水、鹽、糖, 略炒., 蓋上蓋焗一陣 (約2分鐘, 待花甲開哂口)
  4. 熄火, 加芫荽, 略炒, 即成.

好啱一家大細

瘦身都啱食

食住瘦 #飽住瘦

<<< 答案: C >>>

【記得 Like我facebook, 設定為”搶先看/See First” (向下拉就見到我facebook架喇 ) 】

《孖寶午餐系列:南瓜天使麵》🍝😋

《孖寶午餐系列:南瓜天使麵》🍝😋
(15分鐘可完成)
最近好多媽媽 friend / 客客都煩惱「小朋友👧🏻👦🏻午餐食乜好❓」(要有營養, 又好味, 同埋簡易), 就等我分享下孖寶嘅午餐, 俾D靈感大家啦 🥰 ~

「南瓜」係我家嘅常客 😋 , 每星期總有一餐一定有南瓜. 因為南瓜有豐富維他命A (有助增強抵抗力、眼仔健康👀)

材料:
南瓜
瘦肉片 (預先醃好)
天使麵 (根據包裝煮好)

做法:

  1. 南瓜去皮 (亦可留皮), 切細粒.
  2. 在鍋中加少許油, 加入南瓜, 略炒.
  3. 加適量水, 以細火煮約8分鐘至軟身.
  4. 加少許鹽、糖, 拌入瘦肉片, 煮7分鐘, 即成.

健康午餐🍽

大人小朋友都啱食😋

【記得 Like我facebook, 設定為”搶先看/See First” (向下拉就見到我facebook架喇 ) 】

Homemade Pizza 🍕 (附 #食譜)🤩

《營孖媽廚房:又出動喇》😋
Homemade Pizza 🍕 (附 #食譜)🤩
由於疫情關係, 無得出街食, 孖寶又唔使番學, 同好多媽媽一樣, 我逢星期六、日都會同孖寶上《家政課》😆 有得玩、有得食,小朋友啱食、keep fit 媽媽又啱食👍🏼☺

材料 (可做4個迷你 pizza – 如圖):

  • 微暖水 (約 40C) 125毫升
  • 糖 1/2茶匙
  • 快速酵母 1茶匙
  • 快速酵母 1茶匙
  • 橄欖油(或沙拉油)3茶匙
  • 高筋麵粉 200克
  • 鹽 1/2茶匙
  • 材料: 菠蘿、蘑菇、火腿、雞肉(已預先煮熟)
  • 茄汁、芝士碎

做法:

  1. 將微暖水和糖拌勻。糖溶解後,加入酵母。靜待8-10分鐘 (表面起泡沫狀)。拌入橄欖油, 備用。
  2. 在一大碗中,拌勻高筋麵粉和鹽。加入(1),拌勻, 搓至成球形。
  3. 放在乾淨的枱面上,用手腕力搓成表面光滑和有彈性的麵團(如圖)。
  4. 放入塗了少許油的大碗中,用保鮮紙蓋好。放在室溫,讓麵團發至約2倍大 (約 45至 60分鐘)。
  5. 此時可切材料B。
  6. 在枱面上,灑少許麵粉。取出麵團,擠壓出氣體。分成4份,滾圓。放在盤上,用乾淨毛巾蓋著,靜待15分鐘。
  7. 預熱焗爐至 220C。
  8. 用麵棍碌成薄餅。
  9. 用叉刺孔, 塗上茄汁, 鋪上材料B,再灑芝士碎。放入焗爐,焗約 15分鐘,取出即成。

【記得 Like我facebook, 設定為”搶先看/See First” (向下拉就見到我facebook架喇 ) 】

Yandy靚女_5個月減30磅

㊗大家38婦女節快樂🌈🌸 Happy International Women’s Day💕 終於等到我嘅得力小助手 Yandy 嘅分享喇!!! 上星期佢同我分享佢行山嘅靚相, wow, 小妮子終於ready, 可以做我嘅代言人喇! (我望住D相, 都真係好滿意  哈哈哈, 我非常滿意我嘅作品 (讚佢又讚下自己叻叻先). 見到今日嘅Yandy, 識健康地「揀飲擇食」, 又鍾意去行下山, 又成日幫我搵瘦身都可以食嘅零食, 仲成日行街買新衫, 我真係老懷安慰 (好吧, 我只係姐姐級架咋)

自我感覺良好 #身型靚晒 #靚靚 #珍惜青春 #開心住瘦 #我們相遇是緣份 #可以食零食 #體重管理 #EmpowerWomen #WomenPower

** 感謝Yandy無私嘅分享, 同大家分享佢未減前嘅相

戰績: 5個月減咗30.8磅 (由165減至134.2磅), 脂肪由40%減至31%)  

我要正式同「虎背」byebye喇!!!!
(疫情期間,多咗行山,腰同 patpat 都 firm D)

多謝Yandy的分享:

畢業到工作嗰四年(未認識Katrina前)足足肥左30磅,嗰四年時間淨係覺得自己好肥,但無諗過要行動減呢件事,縱使身邊朋友話我「哇,你肥左好多喎」,聽完得過且過就算,縱使對住塊鏡都覺得無野咁,2016年遇到Katrina,評估完磅數同脂肪比例爆哂,個刻都係聽完,重左最多咪食少啲野,心諗點都會瘦到少少,以為會有成效,但原來都係無的😂 Katrina 叫我每日都要上磅磅下,唔想面對既關係,我都係無磅……. (雖然我日日番工都會見到 Katrina, 不過佢又唔會迫我一定要減嘅……)

到2018年9月,當見到自己脂肪比例去到40% (係, 我其實係公司都會偷偷磅下重架)!!! 同埋見到減完成功既客客減完好靚靚,個一刻我即刻諗,如果我減到咁瘦唔知會係點呢? 😂 個一下既動力突然好強,忍唔住同Katrina講我想減肥呢個計劃,Katrina好支持我,仲叫我要俾心機。雖然個心已經起動左要減肥,但我真係太鐘意食野,都會擔心無野食或者食唔飽呢個問題,個人又唔鐘意旭,真係會瘦到咩。

決定左都唔到我擔心咁多,就正式開始我呢個減肥計劃,每星期見Katrina (認真傾減肥嘅時間),再到最可怕既磅重時間,但當一星期見一次再見到個磅數有下降,食得飽又唔覺得肚餓,個種開心既心情令我難以形容,令我更加有動力再努力啲減落去,減緊既途中,突然同朋友傾起減肥,決心一齊去做運動,有朋友陪一星期2次運動,脂肪比率減得好快,養成咗每朝都磅重的習慣。

經歷左5個月減磅之旅,值得開心既事係由以前要著XL,而家可以著到M,買到岩我SIZE既短褲/裙,買到好多靚衫,由以前想買牛仔褲,次次試完總係有種著到好肥既感覺,而家竟然買到M碼,呢種開心既心情真係難以去形容出黎,而家行步路都輕鬆左,唔會行到一半停左係到嗌好攰要休息下先。有時見番好耐無見既朋友都會問起我:「搞咩呀你,瘦左咁多既」。多謝你地 =) 我係健康地瘦架!!!!!

雖然叫左我2年我先肯開始我既減肥大計 =) 好感謝Katrina對我不離不棄,有你同身邊朋友既鼓勵同支持,令我無放棄仲繼續堅持落去~我仲未達成終極目標,待續……

~查詢 /預約 (可致電 /Whatsapp : 5533-1058 )~

**更多會員分享>>  請按此

  • 美國註冊營養師 兼 美國兒科專科營養師
  • 美國體重管理教練
  • 美國肯塔基大學營養及飲食治療碩士
  • 香港中文大學食品及營養科學學士
  • 歷任港安醫院臨床營養師、美國 St Joseph Hospital   
  • (聖約瑟醫院) 臨床營養師
  • 美國營養學會會員
  • 美國營養學會 (執業兒科營養) 會員
  • 美國海外營養協會會員
  • 香港兒科學會 (Associate Member)
  • 香港過敏協會 (會員)
  • 香港執業營養師公會會員
  • 香港公開大學客席講師
  • 煤氣烹飪中心客席導

《蘋果日報》:  拆解食極唔飽成因 餐餐無纖維係元凶 (17/05/2016) 

                             

變S碼的新娘_3個月減15磅

【吃出來的瘦身🍒變S碼的新娘👸 】
超級感謝新婚靚太V嘅分享😍 每次收到新娘子們send俾我嘅婚紗相, 真係好有滿足感, 而且好感動 (好靚靚呀! Stunning✨~)! (記得我係完美主義控喔 😎 望住我嘅作品, wow, 我都要讚下佢同我都 good job! 👈🏼 又自我陶醉中☺)
從一開始,我嘅目標已經好明確,就係協助準新娘V成功瘦身,做個健康靚靚新娘~ 見到佢D婚紗相又靚、又高貴, 真係要讚下佢叻叻!)

戰績: 3個月減咗15.6磅 (由139.7減至124.1磅), 脂肪由34.1%減至27.7%)  

我順便認識下最新 新娘嘅髮式先😛😛

多謝Vivian 的分享:

我一向都是肥底的,食多少少就會重好多的易肥體格,試過好多辦法減肥,如節食、食肉減肥法等。不但會反彈,仲會令身體好唔舒服,頭暈眼花。

直到遇上Katrina ,她專業的知識讓我終身受用,久而久之,學會的不但是怎樣減肥,而是改變飲食習慣,讓自己身體健康,控制體重。

很多人問,減肥其間辛苦嗎?說舒服其實就假,始終我太喜歡吃,但Katrina的餐單有放肆的空間,可以吃薯片、yogurt,只要選對的來吃就可以。一路做consultation ,其實我反反覆覆,也不是一直很順利,後來找到自己喜歡吃與吃後會瘦的食物配搭,體重和體脂才開始正式下降,最後在婚禮前再堅持一下,心裡好開心,我已有10多年沒有到這磅數,老公公主抱我也不吃力。🤣🤣🤣🤣

再一次感謝Katrina,讓我學會很多知識,找到健康飲食的秘訣,改掉壞習慣,讓我成為美麗的新娘子。

~查詢 /預約 (可致電 /Whatsapp : 5533-1058 )~

<<食得飽, 不捱餓, 無產品銷售, 亦無額外收費>>

**更多會員分享>>  請按此

  • 美國註冊營養師 兼 美國兒科專科營養師
  • 美國體重管理教練
  • 美國肯塔基大學營養及飲食治療碩士
  • 香港中文大學食品及營養科學學士
  • 歷任港安醫院臨床營養師、美國 St Joseph Hospital
  • (聖約瑟醫院) 臨床營養師
  • 美國營養學會會員                                       
  • 美國營養學會 (執業兒科營養) 會員
  • 美國海外營養協會會員
  • 香港兒科學會 (Associate Member)
  • 香港過敏協會 (會員)
  • 香港執業營養師公會會員
  • 香港公開大學客席講師
  • 煤氣烹飪中心客席導

《蘋果日報》:  拆解食極唔飽成因 餐餐無纖維係元凶 (17/05/2016) 

Kingson_5個月減26磅

【減咗26磅的型仔🤴🏻 🍒】

感謝佘公子俾我「宇宙最強營養師」嘅稱號 (真係好可愛喔~~ )

一直未有時間分享, 一睇file, 原來已經係前年嘅事! 好在減咗26磅嘅佘公子keep得好好, 無拆我嘅招牌. 減肥成功, 他跟我分享他求婚成功 (而家已經結埋婚喇), 我真係好開心喔~ 我仲記得佢當日嘅要求

《佘公子嘅3大要求》:

  1. 唔食任何補充品及藥物,因為唔想減完都要繼續依賴;
  2. 唔洗急,佢希望學到適合自己嘅方法,最緊要持久;
  3. 一星期最多做一日運動,收工認真攰!

(謝謝大家對我嘅信任喔~)

#事業有成 #成家立室 #飽住瘦 #餐餐食得飽 #不捱餓 #可出街食飯 #好習慣 #搵返以前的自己 #減肥中都可以去旅行豪食 #體重管理 #心動不如行動

戰績: 5個月減咗26.2磅 (由185.9減至159.7磅), 脂肪由26.6%減至19.1%) 😊

kingson pic 1

kingson pic 4

感謝 Kingson 俾我「宇宙最強營養師」嘅稱號 (真係好可愛~~ )

kingson-pic-5.jpg

多謝Kingson分享:

畢業工作五年, 每年總會同一班舊同學聚會,每次一下見面都會聽到一句好“硬耳”:『噫!你好似肥左』或者客氣少少會講『穩重左』,心裹當然不爽。最初當然不以為然, 因為我的工作要經常街訪見客, 每天都在街外吃飯。而本身又覺得男仔唔洗咁“枝整”, 所以無特別注重飲食。同一般繁忙都市人一樣,都係掃食者(特別係下午茶,零食,快餐同肉),當然一定會配合無時間做運動同放工好攰加天氣好差呢幾種藉口。衫,愈着愈逼就愈買愈大;相,愈影愈脹愈唔想影;行,愈行愈重愈唔想行,最後又覺得做野咁辛苦 唯有食好西慰勞下自己。踏上這無盡旅途……循環周而復始。

當然,而家網上資訊發達,我想信每一個肥人,都唔多唔少聽過或睇過好多減肥方法(八小時進食法,戒殿粉,食肉減肥,唔食晚飯,食補充品或減肥藥,狂做運動……)。而身邊好多朋友(包括我)亦唔多唔少試過幾個方法,最後成功(有顯注效果,持續性,唔反彈)係十個都無兩個。當咁多種方法都試左一個round 後,開始質疑個方法,就會再試新方法,又係無限輪迴。最後,身邊既朋友開始升呢直接講『喂,你肥左好多!』同開始咩相都唔想影旅行都唔影,扮幫人揸機),咩衫都唔想買果時,任何水上活動都唔想參與時,果個Moment,要爆啦!果一刻,好想認認真真搵一個專業減肥師,比個秘方我可以即刻減。後來經朋友同網上查探底下搵到Katrina, 原來係叫營養師

上去前都會諗,男人老狗,減肥啫, 洗唔洗比錢人幫自己減啊……但都去一次了解下先。第一次去到同Katrina 傾左45 分鐘, 感覺好好,好有耐性去了解我飲食習慣同日常生活, 又會解釋唔同年紀性別新陳代謝,脂肪比率,營養吸收,肥底瘦底原因等,好似上左堂營養學。最重要係我有三個要求(第一,唔食任何補充品及藥物,因為好似減完都要繼續依賴;第二,唔洗急,最緊要持久, 我希望係學到方法適合自己,唔係剩係一兩個月瘦到;第三,一星期最多做到一日運動,收工認真攰!)聽完佢一下就話:無問題!只要配合適當飲食習慣,就算每日出街食都可以減得持久健康。聽完我覺得好合理所以都好爽快決定!

由五月開始,每星期都跟 Katrina 上一課營養課同檢視一週飲食。週復週,日復日,調整份量,選擇食物,飲水量,慢慢也變成一種習慣。第一月是最孤獨的,付出左但未有顯注成效。Katrina 會分享個案, 通常減到第一個10磅會開始有人察覺, 第二個10磅會好明顯。於是就繼續堅持,直到第六星期真係有朋友問係咪瘦左?果日上磅,真係岩岩好減左10磅幾,果刻覺得 Katrina 真係好專業!最重要係我七月去左香港人後花園——沖澠!正所謂:去旅行,去到盡!當然係會食到盡,所以係出發前 Katrina 巳經同我一齊計劃好,就算食盡都可以保持到脂肪比例同體重。

如是者經歷五個月,最自豪係每日着西裝愈來愈鬆,皮帶一格一格咁扣入,行路愈來愈輕盈,肌肉線條慢慢突出發,客戶朋友同事問我係咪受左咩刺激,點解瘦左?同埋大家交流如何減肥。最深感受係個人的改變感染到身邊家人朋友都更注重飲食同健康!很感謝 Katrina 分享咁多營養學及鼓勵,陪伴我這五個月,讓我更了解身體及保持健康的方法,就算遇到唔同情況,只要用對方法同堅持,一樣可以達標!

Kingson 1

Kingson 2

~查詢 /預約 (可致電 /Whatsapp : 5533-1058 )~

<<食得飽, 不捱餓, 無產品銷售, 亦無額外收費>>

**更多會員分享>>  ***請按此***

營養師 Katrina

  • 美國註冊營養師 兼 美國兒科專科營養師
  • 美國體重管理教練
  • 美國肯塔基大學營養及飲食治療碩士                 
  • 香港中文大學食品及營養科學學士
  • 歷任港安醫院臨床營養師、
    美國 St Joseph Hospital (聖約瑟醫院)
    臨床營養師
  • 美國營養學會會員
  • 美國營養學會 (執業兒科營養) 會員
  • 美國海外營養協會會員
  • 香港兒科學會 (Associate Member)
  • 香港過敏協會 (會員)
  • 香港執業營養師公會會員
  • 香港公開大學客席講師
  • 煤氣烹飪中心客席導師

《蘋果日報》:【動畫●健康online】怕肥又要打邊爐 點食最健康?(11/12/2017)

Iris 靚太_減20磅_血糖管理

㊗大家3⃣8⃣婦女節快樂🌈🌸 Happy Women’s Day💕 超級感謝 Iris 媽媽嘅真情流露分享, 我無諗過佢會寫咁長嘅信俾我👉🏼👈🏼~~ 早兩日收到佢張相, gorgeous!✨🤩 真係好靚靚呀!*佢話減完後佢 #自我感覺良好, 其實我都係呀!(記得我係完美主義控喔 😎 望住我嘅作品, wow, *我都要讚下佢同我都 good job!* 👈🏼 自我陶醉中☺) 我仲記得我地第一次見面, 我已經感覺到她內心那份擔憂, 而我一聽見咁後生, 仲有2個小朋友, 就已經開始要食糖尿藥, 一定要同佢一齊好好努力💪🏼 *目標係減磅減藥**💪🏼😉

#自我感覺良好 #身型靚晒 #妊娠糖尿 #糖尿 #減藥 #還原靚靚 #開心住瘦 #我們相遇是緣份 #醫生都驚訝 #可以食零食 #體重管理

戰績: 6個月減咗 20.3磅 (由151.2減至130.9磅), 脂肪由37.2%減至30.8%)  😊

IMG_2189

IMG_6420

多謝Iris的分享:

早在9年前仲喺陀住家姐嘅時候,產檢時發現有妊娠糖尿病,由於指數唔喺太高,所以都喺戒口同每日篤手指MONITOR住 ,生完後,血糖就回復正常。

6年前有咗妹妹5個月時,又發現高血糖,今次唔可以只戒口,要學打胰島素加每日篤手指,一日打3針,篤7次手指,當時唔知邊到嚟嘅勇氣,日日如事直到妹妹出生。記得生完之後內分泌醫生同我講再檢查過,血糖喺回復正常,但要好好管理自己飲食,因為我有家族遺傳,5年後會有糖尿病比正常人多50%。點知,就真喺俾醫生講中咗,上年心血來潮想買份保險,做身體檢查時發現空腹血糖好高,之後自己篤返手指,空腹指數喺去到11mmol上下,即刻就去睇專科,醫生亦即開藥俾我,叫我要恆常做運動減肥,對個病有好處。我問醫生:有無機會可以減到藥呢?有無人可以改善到唔駛再食藥呢?醫生答:減藥都好難,100個只有1個可做到。戈刻心情極度底落。因為之前學打胰島素時有問過姑娘:點解大肚婆一定要打胰島素,唔可以食藥嘅?姑娘答我:因為食藥始終會對肝腎起副作用,怕會影響媽媽同BB,所以直接打胰島素會比較安全。即喺依家要開始食咁多藥,將來對身體唔多唔少都有負荷。

之後有一次一位好朋友為我分憂時,佢介紹咗Katrina俾我,二話不說,即約見。本身有150幾磅嘅我,好希望可以減到藥。當時我同Katrina講減肥喺bonus,我最想喺可以減藥。之後跟咗Katrina半年,終於終於…減咗廿磅,再去覆診時醫生都好驚訝,我減到咁多,空腹血糖回落到5.1mmol,醫生話通常男性先可以減到咁多磅數,女性當中我算喺第一名,醫生就決定減藥一半。當日我開心到不能用筆墨可形容,Katrina幫我”lok”咗醫生”扒”牙呀,YEAH~~

喺呢段時間我覺得Katrina喺一位好有心嘅營養師,佢會俾因我嘅生活習慣開餐單俾我,唔喺咩都唔食得,其實喺可以食好多嘢,仲可以食零食,只喺要好好選擇食物同份量就得。Katrina每次都會鼓勵我,就算偷食落唔到磅都鼓勵我(以前見嘅營養師只喺鬧喺咪偷食)。我喺Katrina身上學到好多,依家都會用返呢啲智識好好管理自己體重。我仲介紹埋媽咪去跟Katrina。

其實除咗減藥,依家身型都靚咗好多(自我感覺良好中),Katrina令我有勇氣再次著起婚紗同兩個囡囡一齊去影咗一輯好有意思嘅相,成為我哋母女之間一個美好回憶。

真喺好衷心多謝Katrina!

iris 分享1iris 分享2

~查詢 /預約 (可致電 /Whatsapp : 5533-1058 )~

<<食得飽, 不捱餓, 無產品銷售, 亦無額外收費>>

**更多會員分享>>  請按此

營養師 Katrina

  • 美國註冊營養師 兼 美國兒科專科營養師
  • 美國體重管理教練
  • 美國肯塔基大學營養及飲食治療碩士
  • 香港中文大學食品及營養科學學士
  • 歷任港安醫院臨床營養師、美國 St Joseph Hospital (聖約瑟醫院) 臨床營養師
  • 美國營養學會會員
  • 美國營養學會 (執業兒科營養) 會員
  • 美國海外營養協會會員
  • 香港兒科學會 (Associate Member)
  • 香港過敏協會 (會員)
  • 香港執業營養師公會會員
  • 香港公開大學客席講師
  • 煤氣烹飪中心客席導師

《蘋果日報》: 【減肥迎夏日】 IU飲水快速減肥法 究竟work唔work? 

Sandy靚太_5個月減29.5磅

《至 Fit 健康爸媽》

感謝 Sandy 嘅分享:「夫妻二人一同在過程中建立共同的健康飲食習慣,更加有互相支持、提醒的效果,也彼此鼓勵」, 我好開心可以陪伴 Sandy同Alex 成功建立健康飲食家庭喔~~

#飽住瘦 #餐餐食得飽 #不捱餓 #可出街食飯 #健康家庭 #好習慣 #搵返以前的自己 #心動不如行動

戰績: 5個月減咗29.5磅 (由148.3減至118.8磅), 脂肪由42.3%減至33%)

Sandy老公Alex的戰績: 8個月減咗53.9磅 (由234.7減至180.8磅), 脂肪由32.8%減至23%)

想知多D? 請進 >> https://goo.gl/g8k335

多謝Sandy的分享:

認識Katrina是從Facebook 見到一個成功分享的個案開始,當時被個案中提到的「不捱餓」、「可出街食飯」以及「無刻意加多左做運動」等嘅內容吸引,很好奇到底天下是不是真的有「唔辛苦減肥法」。 另一方面,都要考慮好實際的問題,就是費用會否很昂貴,介紹內容見到每月只需「千零蚊」,係可以負擔到的費用,就問我老公想唔想一齊去做個評估了解下。

由於我同老公都屬於為食人士,又好鍾意打邊爐,日常飲食不太節制,日積月累下,自結婚後幾年間,體重亦隨之而上升,再加上生了小孩之後更加增加左十數磅,體重一度高達超過140磅!

到了評估完畢,最初都不太有信心,因為擔心自己一下子改變飲食習慣會好困難,但經過Katrina 細心分析本身飲食習慣,教我剔起日常飲食中較不健康的項目,加入了自己都接受到的食物類別,我好快就適應了新的飲食習慣。Katrina 亦教曉我飲食要平衡、如何在外出飲食時選擇合適菜餚,大時大節過後如何調節⋯⋯(想知多點要搵Katrina了解下啦~ 😄) 令我同我老公都能輕鬆適應新的飲食習慣,而且是一生受用的好習慣。

在減磅的初期都有遇到困難,但感恩老公同我一齊進行減磅行動,就好似聖經說 :「兩個人總比一個人好,因為二人勞碌同得美好的果效。 若是跌倒,這人可以扶起他的同伴;若是孤身跌倒,沒有別人扶起他來,這人就有禍了。 再者,二人同睡就都暖和,一人獨睡怎能暖和呢? 有人攻勝孤身一人,若有二人便能敵擋他;三股合成的繩子不容易折斷。」

‭‭傳道書‬ ‭4:9-12‬ ‭CUNP-神‬‬

夫妻二人一同在過程中建立共同的健康飲食習慣,更加有互相支持、提醒的效果,也彼此鼓勵,結果我們二人都持成功用了5個月(我)及7個月(老公)成功完成目標,尋回惜日的健康身形。

好多身邊的親友見到減磅後的我,都驚訝原來只要從飲食著手小小改變,就有如此好的果效,得到健康的身體。

~查詢 /預約 (可致電 /Whatsapp : 5533-1058 )~

<<食得飽, 不捱餓, 無產品銷售, 亦無額外收費>>

**更多會員分享>>  ***請按此

美國註冊營養師 兼 美國兒科專科營養師
美國體重管理教練
美國肯塔基大學營養及飲食治療碩士
香港中文大學食品及營養科學學士
歷任港安醫院臨床營養師、美國 St Joseph Hospital
(聖約瑟醫院) 臨床營養師
美國營養學會會員
美國營養學會 (執業兒科營養) 會員
美國海外營養協會會員
香港兒科學會 (Associate Member)
香港過敏協會 (會員)
香港執業營養師公會會員
香港公開大學客席講師
煤氣烹飪中心客席導

《蘋果日報》: 【減肥迎夏日】 IU飲水快速減肥法 究竟work唔work? (2/4/2018) 

 

 

Alex 爸爸 _ 8個月減53.9磅

為咗俾多D鼓勵進行緊keep fit大計嘅大家, 我邀請咗好多大家嘅師兄師姐分享佢地嘅瘦身心❤路歷程喔😉 減咗54磅嘅A爸分享話最近番國內玩, 過關時大陸關員話佢瘦咗, 仲望咗好耐先俾佢過關 😅 (我都無諗過原來會為大家帶黎少少不便添🤣🤣, 不過我相信大家都唔介意哩個小小不便嘅 👉🏼👈🏼😆) 好彩最後都順利過關 🙈 Fighting! 大家努力呀~~

飽住瘦 #餐餐食得飽 #不捱餓 #可出街食飯 #健康家庭 #好習慣 #搵返以前的自己 #心動不如行動

戰績: 8個月減咗 53.9磅 (由 234.7減至 180.8磅), 脂肪由 32.8%減至 23%)

Alex 太太Sandy的戰績: 5個月減咗 29.5磅 (由 148.3減至 118.8磅), 脂肪由 42.3%減至 33%)

想知多D? 請進 >> https://goo.gl/bky1m7


多謝Alex的分享:

自從出黎做野,多左出街食野又少左做運動,加上自己特別鍾意打邊爐同食得唔好嘥嘅性格,體重日漸增長,中間都嘗試過減肥,但無論去美容院或用其他方法,最終體重都係不跌反增,繼續嗰句” 食左先減” 。

到結婚生仔後,每次同個仔玩都感到乏力,尤其係要抱佢嘅時候,雙膝都感到痛楚。有一晚,老婆問我不如一齊去見營養師,當時諗住去評估吓,冇壞啫,點知評估完就落實瘦身計劃。初時都諗會唔會冇啖好食,餐餐白烚,但原來剛好相反,只要識得揀野食,都一樣可以食得飽,最重要係減肥都可以偶爾打吓邊爐,當然呢段時間我都要減少食一d平時鍾意食嘅炒粉麵等等嘅邪惡食物,但見到體重漸漸下降,好似有左幾個月嘅肚腩消失,體重減左接近60磅,身邊嘅親朋都好驚訝,就算少少辛苦都係好值得。

感謝Katrina呢8個幾月嘅幫助和教導,令我可以食住瘦,調節我嘅飲食習慣,而聖經中保羅有句說話都好好鼓勵自己 -” 攻克己身,叫身服我” ,要學會節制,管理好自己身體,因為呢個係對我嘅家人嘅愛,亦係責任!

~查詢 /預約 (可致電 /Whatsapp : 5533-1058 )~

<<食得飽, 不捱餓, 無產品銷售, 亦無額外收費>>

**更多會員分享>>  ***請按此

美國註冊營養師 兼 美國兒科專科營養師

美國體重管理教練
美國肯塔基大學營養及飲食治療碩士
香港中文大學食品及營養科學學士
歷任港安醫院臨床營養師、美國 St Joseph Hospital
(聖約瑟醫院) 臨床營養師
美國營養學會會員                                       

美國營養學會 (執業兒科營養) 會員
美國海外營養協會會員
香港兒科學會 (Associate Member)
香港過敏協會 (會員)
香港執業營養師公會會員
香港公開大學客席講師
煤氣烹飪中心客席導

《蘋果日報》: 【減肥迎夏日】 IU飲水快速減肥法 究竟work唔work? (2/4/2018) https://youtu.be/zZ_Ym08A3Kc


錦鯉年糕 (減肥都食得 – 低糖) (附食譜)

新年想應節, 整下年糕, 既然整, 梗係整D特別又靚架啦~~ 由於我有好多要求, 要無人造色素、低糖、低脂,仲要好味,賣相吸引,所以要出營養師嘅絕招: 食譜調整 (recipe modifications)! 減緊肥都可以食架~ (下午茶時間, 一條啱啱好~ )

一條低脂「錦鯉年糕」:

142卡路里

4克脂肪

1茶匙糖

>>> 相比一隻蛋撻 (200卡路里, 11克脂肪, 2茶匙糖), 其實自製「錦鯉年糕」係健康架~

img

材料 (10厘米長的錦鯉3條):

糯米粉45克

澄麵10克

椰漿70毫升

砂糖15克

紅糖3克

甘筍汁1湯匙 (可加減調較自己喜好的顏色深淺)

黑芝麻 (點睛) 4粒

用具: 迷你錦鯉耐熱塑膠模

img_9849

做法:

  1. 將糯米粉及澄麵略拌,過篩兩次,分成50 及 5 克兩份的「粉」, 備用.

白色年糕:

  1. 在鍋內加入63毫升椰漿及砂糖, 以慢火, 邊攪拌, 待煮溶, 熄火. 慢慢拌入5 0克的「粉」, 拌勻 , 直至幼滑, 取出, 備用。

img_9835

橙紅色年糕:

  1. 在鍋內加入7毫升椰漿及紅糖, 以慢火, 邊攪拌, 煮溶, 熄火. 慢慢拌入5 克的「粉」, 拌勻 , 直至幼滑, 取出, 備用。

img_9834

  1. 在錦鯉模上塗一層薄薄的油,先加入橙紅色年糕 再加入白色年糕至九分滿。

unnamed

unnamed (3)

5.          將錦鯉模放在碟上,蓋上錫紙,水滾後以大火蒸 20 分鐘,取出放涼約 5 分鐘,脫模,再以黑芝麻點睛,即成!

營養師 Katrina 小貼士 >

  1. 在街外買的錦鯉年糕一般都是用色素做橙紅色的部份, 但其實可以用甘筍汁代替, 讓大人小朋友吃得更健康!
  2. 從魚尾開始脫模會較容易.
  3. 冷藏後年糕會變硬,可再蒸熱才食用.

祝大家新的一年「身體健康」、「新年快樂」、「龍馬精神」!