Keep Fit食譜《乾炒牛河》😋#健怡版

似乎很多香港人都對「乾炒牛河」有種情意結,正所謂由細食到大,對我來說亦一樣,但自從做營養師後,我對這個菜式真係又愛又恨。對於 keep fit 的我, 間中吃一次絕對無問題,不影響磅數,又不影響脂肪比例 (只要另一餐清淡一點就可以),但對於減磅中的大家,只要吃了乾炒牛河,脂肪比例隨時即日升(不跌反升)! 為了可以令大家開心地減磅 (減脂肪),可以滿足媽媽又可以滿足小朋友的口腹之慾,特別跟退休酒店大廚袁師傅一起創作了這個「低脂低鹽乾炒牛河」。😋😍

材料:
牛肉 (肉眼牛柳) 1/2斤 (約300克)
河粉(乾) 1/2包 (約225克)
洋蔥 1/2個
蔥段 1棵
銀芽 2両(約80)

醃料:
奇異果(去皮) 1/2個
黃糖 1/2茶匙
生抽 1茶匙
生粉 1茶匙
紹興酒 1茶匙
水 1湯匙

調味料:
生抽 1茶匙
老抽 1湯匙
黃糖 1/2茶匙

做法:

  1. 首先將奇異果直接放在濾網上,用湯匙按壓,濾出奇異果汁。
  2. 將牛肉洗凈,橫紋切薄片,加入醃料醃約15分鐘,備用。
  3. 將乾河粉加入80℃暖水浸約 15-20分鐘(或至較軟身)。
  4. 在燒熱的易潔鑊加入1茶匙油,將牛肉鋪平在鑊上面,不要重疊,以中大火煎牛肉兩面至轉色,盛起備用。
  5. 然後盛起河粉,瀝乾水份,在同一鑊中加入1茶匙油,加入河粉煎炒1至2分鐘。
  6. 之後放入已切絲的洋蔥及蔥段,略煎炒1至2分鐘。
  7. 再加入銀芽和牛肉。
  8. 最後加入調味料,炒3分鐘至乾身,即成。

營養師Katrina小貼士

  • 若發現牛肉比較韌,醃肉時可加入奇異果汁(沒有果肉及籽的會令餸菜較靚)。原理是奇異果、菠蘿及木瓜等都含有分解蛋白質分子的酶,這些蛋白質經分解後,會令肉質變得鬆軟。

【記得 Like我facebook, 設定為”搶先看/See First” (向下拉就見到我facebook架喇 ) 】

食譜節錄自我嘅著作 <<靚媽修身食譜>>

Keep Fit食譜《銀芽肉絲炒麵》😋 #健怡版

最近抗疫,無得出街食午餐,又好掛住出街食嘅味道,整番碟健怡版銀芽肉絲炒麵食。止口癮先😋

材料:
炒面半斤 (300克)
豬肉4両 (160克)
洋蔥絲1/2個
銀芽2両 (約80克)
蔥絲1棵

醃料:
生抽 1/2茶匙
生粉 1/2茶匙

調味料:
生抽 2茶匙
老抽 1/2茶匙
黃糖 1/2茶匙
水1碗

做法:

  1. 將豬肉洗凈,切絲,加入醃料醃約15分鐘,備用。
  2. 炒面用開水燙崧,盛起,瀝乾水份。
  3. 在燒熱的易潔鑊加入1茶匙植物油,加入麵,以細火將麵兩面煎至略帶金黃色,上碟。
  4. 在同一鑊中加入1茶匙植物油,將肉絲煎香,加入洋蔥絲、銀芽、蔥絲一齊炒香。
  5. 加入調味料,炒匀,加生粉水煮至獻狀(略稠便可),用碗盛起或淋上煎好的麵上,即成。

#健康午餐

#減肥都食得

#麵質脆卜卜

【記得 Like我facebook, 設定為”搶先看/See First” (向下拉就見到我facebook架喇 ) 】

食譜節錄自我嘅著作 <<靚媽修身食譜>>

《今晚食乜餸:梅子鴨》😋 (適合減肥人士)

話說老公自疫情開始, 主動要求帶飯, 我當然全力支持啦! 要好味(仲要惹味! ) 又有營養, 又簡易, 我同孖寶婆婆又鑽研咗D食譜, 同大家些牙下先~ (已經連續3星期被encore的食譜)

《俾你估下》「鴨肉」係「紅肉」定「白肉」? (答案在最下)
(A) 紅肉
(B) 白肉

材料:
鴨1隻 (去皮斬件)
薑數片
冰糖60克

醃料:
酸梅5粒 (用匙壓爛)
生抽1湯匙

調味料:
鹽1茶匙
老抽 1湯匙

做法:

  1. 將(醃料)加入鴨件, 拌勻, 醃最少3小時。
  2. 在燒熱的鑊中、加入1湯匙油, 炒香薑片,加入鴨件炒5分鐘。
  3. 加入水350毫升和冰糖,以大火煮滾,轉中火煮1小時,加入(調味料),拌勻,略煮,即成。

內在美

我係指梅子鴨咋

重點係去皮去皮去皮

重要嘅嘢講三次

健康晚餐🍽

大人小朋友都啱食😋

<<< 答案: B >>>

【記得 Like我facebook, 設定為”搶先看/See First” (向下拉就見到我facebook架喇 ) 】

《今晚食乜餸:蒜蓉炒花甲》🧄😋 (5分鐘可完成)

最近抗疫, 晚餐留多咗係屋企食, 今晚我親自落廚整樣0難度、老公/孖寶/婆婆都鐘意食、5分鐘攪掂👌🏼😋

<俾你估下> (答案在最下)
要增強免疫力, 需要攝取邊種營養素呢?
(A) 鐵質
(B) 鋅質
(C) 兩樣都啱

提示:花甲都有好豐富哩D營養素架

材料:
花甲1斤
蒜蓉1-2湯匙
芫荽少許

做法:

  1. 炒香蒜蓉
  2. 加入花甲, 略炒.
  3. 加少少水、鹽、糖, 略炒., 蓋上蓋焗一陣 (約2分鐘, 待花甲開哂口)
  4. 熄火, 加芫荽, 略炒, 即成.

好啱一家大細

瘦身都啱食

食住瘦 #飽住瘦

<<< 答案: C >>>

【記得 Like我facebook, 設定為”搶先看/See First” (向下拉就見到我facebook架喇 ) 】

《孖寶午餐系列:南瓜天使麵》🍝😋

《孖寶午餐系列:南瓜天使麵》🍝😋
(15分鐘可完成)
最近好多媽媽 friend / 客客都煩惱「小朋友👧🏻👦🏻午餐食乜好❓」(要有營養, 又好味, 同埋簡易), 就等我分享下孖寶嘅午餐, 俾D靈感大家啦 🥰 ~

「南瓜」係我家嘅常客 😋 , 每星期總有一餐一定有南瓜. 因為南瓜有豐富維他命A (有助增強抵抗力、眼仔健康👀)

材料:
南瓜
瘦肉片 (預先醃好)
天使麵 (根據包裝煮好)

做法:

  1. 南瓜去皮 (亦可留皮), 切細粒.
  2. 在鍋中加少許油, 加入南瓜, 略炒.
  3. 加適量水, 以細火煮約8分鐘至軟身.
  4. 加少許鹽、糖, 拌入瘦肉片, 煮7分鐘, 即成.

健康午餐🍽

大人小朋友都啱食😋

【記得 Like我facebook, 設定為”搶先看/See First” (向下拉就見到我facebook架喇 ) 】

Homemade Pizza 🍕 (附 #食譜)🤩

《營孖媽廚房:又出動喇》😋
Homemade Pizza 🍕 (附 #食譜)🤩
由於疫情關係, 無得出街食, 孖寶又唔使番學, 同好多媽媽一樣, 我逢星期六、日都會同孖寶上《家政課》😆 有得玩、有得食,小朋友啱食、keep fit 媽媽又啱食👍🏼☺

材料 (可做4個迷你 pizza – 如圖):

  • 微暖水 (約 40C) 125毫升
  • 糖 1/2茶匙
  • 快速酵母 1茶匙
  • 快速酵母 1茶匙
  • 橄欖油(或沙拉油)3茶匙
  • 高筋麵粉 200克
  • 鹽 1/2茶匙
  • 材料: 菠蘿、蘑菇、火腿、雞肉(已預先煮熟)
  • 茄汁、芝士碎

做法:

  1. 將微暖水和糖拌勻。糖溶解後,加入酵母。靜待8-10分鐘 (表面起泡沫狀)。拌入橄欖油, 備用。
  2. 在一大碗中,拌勻高筋麵粉和鹽。加入(1),拌勻, 搓至成球形。
  3. 放在乾淨的枱面上,用手腕力搓成表面光滑和有彈性的麵團(如圖)。
  4. 放入塗了少許油的大碗中,用保鮮紙蓋好。放在室溫,讓麵團發至約2倍大 (約 45至 60分鐘)。
  5. 此時可切材料B。
  6. 在枱面上,灑少許麵粉。取出麵團,擠壓出氣體。分成4份,滾圓。放在盤上,用乾淨毛巾蓋著,靜待15分鐘。
  7. 預熱焗爐至 220C。
  8. 用麵棍碌成薄餅。
  9. 用叉刺孔, 塗上茄汁, 鋪上材料B,再灑芝士碎。放入焗爐,焗約 15分鐘,取出即成。

【記得 Like我facebook, 設定為”搶先看/See First” (向下拉就見到我facebook架喇 ) 】

Yandy靚女_5個月減30磅

㊗大家38婦女節快樂🌈🌸 Happy International Women’s Day💕 終於等到我嘅得力小助手 Yandy 嘅分享喇!!! 上星期佢同我分享佢行山嘅靚相, wow, 小妮子終於ready, 可以做我嘅代言人喇! (我望住D相, 都真係好滿意  哈哈哈, 我非常滿意我嘅作品 (讚佢又讚下自己叻叻先). 見到今日嘅Yandy, 識健康地「揀飲擇食」, 又鍾意去行下山, 又成日幫我搵瘦身都可以食嘅零食, 仲成日行街買新衫, 我真係老懷安慰 (好吧, 我只係姐姐級架咋)

自我感覺良好 #身型靚晒 #靚靚 #珍惜青春 #開心住瘦 #我們相遇是緣份 #可以食零食 #體重管理 #EmpowerWomen #WomenPower

** 感謝Yandy無私嘅分享, 同大家分享佢未減前嘅相

戰績: 5個月減咗30.8磅 (由165減至134.2磅), 脂肪由40%減至31%)  

我要正式同「虎背」byebye喇!!!!
(疫情期間,多咗行山,腰同 patpat 都 firm D)

多謝Yandy的分享:

畢業到工作嗰四年(未認識Katrina前)足足肥左30磅,嗰四年時間淨係覺得自己好肥,但無諗過要行動減呢件事,縱使身邊朋友話我「哇,你肥左好多喎」,聽完得過且過就算,縱使對住塊鏡都覺得無野咁,2016年遇到Katrina,評估完磅數同脂肪比例爆哂,個刻都係聽完,重左最多咪食少啲野,心諗點都會瘦到少少,以為會有成效,但原來都係無的😂 Katrina 叫我每日都要上磅磅下,唔想面對既關係,我都係無磅……. (雖然我日日番工都會見到 Katrina, 不過佢又唔會迫我一定要減嘅……)

到2018年9月,當見到自己脂肪比例去到40% (係, 我其實係公司都會偷偷磅下重架)!!! 同埋見到減完成功既客客減完好靚靚,個一刻我即刻諗,如果我減到咁瘦唔知會係點呢? 😂 個一下既動力突然好強,忍唔住同Katrina講我想減肥呢個計劃,Katrina好支持我,仲叫我要俾心機。雖然個心已經起動左要減肥,但我真係太鐘意食野,都會擔心無野食或者食唔飽呢個問題,個人又唔鐘意旭,真係會瘦到咩。

決定左都唔到我擔心咁多,就正式開始我呢個減肥計劃,每星期見Katrina (認真傾減肥嘅時間),再到最可怕既磅重時間,但當一星期見一次再見到個磅數有下降,食得飽又唔覺得肚餓,個種開心既心情令我難以形容,令我更加有動力再努力啲減落去,減緊既途中,突然同朋友傾起減肥,決心一齊去做運動,有朋友陪一星期2次運動,脂肪比率減得好快,養成咗每朝都磅重的習慣。

經歷左5個月減磅之旅,值得開心既事係由以前要著XL,而家可以著到M,買到岩我SIZE既短褲/裙,買到好多靚衫,由以前想買牛仔褲,次次試完總係有種著到好肥既感覺,而家竟然買到M碼,呢種開心既心情真係難以去形容出黎,而家行步路都輕鬆左,唔會行到一半停左係到嗌好攰要休息下先。有時見番好耐無見既朋友都會問起我:「搞咩呀你,瘦左咁多既」。多謝你地 =) 我係健康地瘦架!!!!!

雖然叫左我2年我先肯開始我既減肥大計 =) 好感謝Katrina對我不離不棄,有你同身邊朋友既鼓勵同支持,令我無放棄仲繼續堅持落去~我仲未達成終極目標,待續……

~查詢 /預約 (可致電 /Whatsapp : 5533-1058 )~

美國註冊營養師 兼 美國兒科專科營養師

美國體重管理教練

美國肯塔基大學營養及飲食治療碩士

香港中文大學食品及營養科學學士

歷任港安醫院臨床營養師、美國 St Joseph Hospital (聖約瑟醫院) 臨床營養師

美國營養師學協會會員     

美國營養學會 (執業兒科營養) 會員

美國海外營養協會會員

香港兒科學會 (Associate Member)     

香港過敏協會 (會員)

香港執業營養師公會會員

香港公開大學客席講師

煤氣烹飪中心客席導

**更多會員分享>>  請按此

《蘋果日報》:  拆解食極唔飽成因 餐餐無纖維係元凶 (17/05/2016) 

                             

變S碼的新娘_3個月減15磅

【吃出來的瘦身🍒變S碼的新娘👸 】
超級感謝新婚靚太V嘅分享😍 每次收到新娘子們send俾我嘅婚紗相, 真係好有滿足感, 而且好感動 (好靚靚呀! Stunning✨~)! (記得我係完美主義控喔 😎 望住我嘅作品, wow, 我都要讚下佢同我都 good job! 👈🏼 又自我陶醉中☺)
從一開始,我嘅目標已經好明確,就係協助準新娘V成功瘦身,做個健康靚靚新娘~ 見到佢D婚紗相又靚、又高貴, 真係要讚下佢叻叻!)

戰績: 3個月減咗15.6磅 (由139.7減至124.1磅), 脂肪由34.1%減至27.7%)  

我順便認識下最新 新娘嘅髮式先😛😛

多謝Vivian 的分享:

我一向都是肥底的,食多少少就會重好多的易肥體格,試過好多辦法減肥,如節食、食肉減肥法等。不但會反彈,仲會令身體好唔舒服,頭暈眼花。

直到遇上Katrina ,她專業的知識讓我終身受用,久而久之,學會的不但是怎樣減肥,而是改變飲食習慣,讓自己身體健康,控制體重。

很多人問,減肥其間辛苦嗎?說舒服其實就假,始終我太喜歡吃,但Katrina的餐單有放肆的空間,可以吃薯片、yogurt,只要選對的來吃就可以。一路做consultation ,其實我反反覆覆,也不是一直很順利,後來找到自己喜歡吃與吃後會瘦的食物配搭,體重和體脂才開始正式下降,最後在婚禮前再堅持一下,心裡好開心,我已有10多年沒有到這磅數,老公公主抱我也不吃力。🤣🤣🤣🤣

再一次感謝Katrina,讓我學會很多知識,找到健康飲食的秘訣,改掉壞習慣,讓我成為美麗的新娘子。

~查詢 /預約 (可致電 /Whatsapp : 5533-1058 )~

<<食得飽, 不捱餓, 無產品銷售, 亦無額外收費>>

**更多會員分享>>  請按此

美國註冊營養師 兼 美國兒科專科營養師

美國體重管理教練
美國肯塔基大學營養及飲食治療碩士
香港中文大學食品及營養科學學士
歷任港安醫院臨床營養師、美國 St Joseph Hospital (聖約瑟醫院) 臨床營養師
美國營養師學協會會員                                         

Katrina2

美國營養學會 (執業兒科營養) 會員
美國海外營養協會會員
香港兒科學會 (Associate Member)


香港過敏協會 (會員)
香港執業營養師公會會員
香港公開大學客席講師
煤氣烹飪中心客席導

《蘋果日報》:  拆解食極唔飽成因 餐餐無纖維係元凶 (17/05/2016) 

Kingson_5個月減26磅

【減咗26磅的型仔🤴🏻 🍒】

感謝佘公子俾我「宇宙最強營養師」嘅稱號 (真係好可愛喔~~ )

一直未有時間分享, 一睇file, 原來已經係前年嘅事! 好在減咗26磅嘅佘公子keep得好好, 無拆我嘅招牌. 減肥成功, 他跟我分享他求婚成功 (而家已經結埋婚喇), 我真係好開心喔~ 我仲記得佢當日嘅要求

《佘公子嘅3大要求》:

  1. 唔食任何補充品及藥物,因為唔想減完都要繼續依賴;
  2. 唔洗急,佢希望學到適合自己嘅方法,最緊要持久;
  3. 一星期最多做一日運動,收工認真攰!

(謝謝大家對我嘅信任喔~)

#事業有成 #成家立室 #飽住瘦 #餐餐食得飽 #不捱餓 #可出街食飯 #好習慣 #搵返以前的自己 #減肥中都可以去旅行豪食 #體重管理 #心動不如行動

戰績: 5個月減咗26.2磅 (由185.9減至159.7磅), 脂肪由26.6%減至19.1%) 😊

kingson pic 1

kingson pic 4

感謝 Kingson 俾我「宇宙最強營養師」嘅稱號 (真係好可愛~~ )

kingson-pic-5.jpg

多謝Kingson分享:

畢業工作五年, 每年總會同一班舊同學聚會,每次一下見面都會聽到一句好“硬耳”:『噫!你好似肥左』或者客氣少少會講『穩重左』,心裹當然不爽。最初當然不以為然, 因為我的工作要經常街訪見客, 每天都在街外吃飯。而本身又覺得男仔唔洗咁“枝整”, 所以無特別注重飲食。同一般繁忙都市人一樣,都係掃食者(特別係下午茶,零食,快餐同肉),當然一定會配合無時間做運動同放工好攰加天氣好差呢幾種藉口。衫,愈着愈逼就愈買愈大;相,愈影愈脹愈唔想影;行,愈行愈重愈唔想行,最後又覺得做野咁辛苦 唯有食好西慰勞下自己。踏上這無盡旅途……循環周而復始。

當然,而家網上資訊發達,我想信每一個肥人,都唔多唔少聽過或睇過好多減肥方法(八小時進食法,戒殿粉,食肉減肥,唔食晚飯,食補充品或減肥藥,狂做運動……)。而身邊好多朋友(包括我)亦唔多唔少試過幾個方法,最後成功(有顯注效果,持續性,唔反彈)係十個都無兩個。當咁多種方法都試左一個round 後,開始質疑個方法,就會再試新方法,又係無限輪迴。最後,身邊既朋友開始升呢直接講『喂,你肥左好多!』同開始咩相都唔想影旅行都唔影,扮幫人揸機),咩衫都唔想買果時,任何水上活動都唔想參與時,果個Moment,要爆啦!果一刻,好想認認真真搵一個專業減肥師,比個秘方我可以即刻減。後來經朋友同網上查探底下搵到Katrina, 原來係叫營養師

上去前都會諗,男人老狗,減肥啫, 洗唔洗比錢人幫自己減啊……但都去一次了解下先。第一次去到同Katrina 傾左45 分鐘, 感覺好好,好有耐性去了解我飲食習慣同日常生活, 又會解釋唔同年紀性別新陳代謝,脂肪比率,營養吸收,肥底瘦底原因等,好似上左堂營養學。最重要係我有三個要求(第一,唔食任何補充品及藥物,因為好似減完都要繼續依賴;第二,唔洗急,最緊要持久, 我希望係學到方法適合自己,唔係剩係一兩個月瘦到;第三,一星期最多做到一日運動,收工認真攰!)聽完佢一下就話:無問題!只要配合適當飲食習慣,就算每日出街食都可以減得持久健康。聽完我覺得好合理所以都好爽快決定!

由五月開始,每星期都跟 Katrina 上一課營養課同檢視一週飲食。週復週,日復日,調整份量,選擇食物,飲水量,慢慢也變成一種習慣。第一月是最孤獨的,付出左但未有顯注成效。Katrina 會分享個案, 通常減到第一個10磅會開始有人察覺, 第二個10磅會好明顯。於是就繼續堅持,直到第六星期真係有朋友問係咪瘦左?果日上磅,真係岩岩好減左10磅幾,果刻覺得 Katrina 真係好專業!最重要係我七月去左香港人後花園——沖澠!正所謂:去旅行,去到盡!當然係會食到盡,所以係出發前 Katrina 巳經同我一齊計劃好,就算食盡都可以保持到脂肪比例同體重。

如是者經歷五個月,最自豪係每日着西裝愈來愈鬆,皮帶一格一格咁扣入,行路愈來愈輕盈,肌肉線條慢慢突出發,客戶朋友同事問我係咪受左咩刺激,點解瘦左?同埋大家交流如何減肥。最深感受係個人的改變感染到身邊家人朋友都更注重飲食同健康!很感謝 Katrina 分享咁多營養學及鼓勵,陪伴我這五個月,讓我更了解身體及保持健康的方法,就算遇到唔同情況,只要用對方法同堅持,一樣可以達標!

Kingson 1

Kingson 2

~查詢 /預約 (可致電 /Whatsapp : 5533-1058 )~

<<食得飽, 不捱餓, 無產品銷售, 亦無額外收費>>

**更多會員分享>>  ***請按此***

營養師 Katrina

  • 美國註冊營養師 兼 美國兒科專科營養師Katrina2
  • 美國體重管理教練
  • 美國肯塔基大學營養及飲食治療碩士
  • 香港中文大學食品及營養科學學士
  • 歷任港安醫院臨床營養師、美國 St Joseph Hospital (聖約瑟醫院) 臨床營養師
  • 美國營養師學協會會員
  • 美國營養學會 (執業兒科營養) 會員
  • 美國海外營養協會會員
  • 香港兒科學會 (Associate Member)
  • 香港過敏協會 (會員)
  • 香港執業營養師公會會員
  • 香港公開大學客席講師
  • 煤氣烹飪中心客席導師

《蘋果日報》:【動畫●健康online】怕肥又要打邊爐 點食最健康?(11/12/2017)

Iris 靚太_減20磅_血糖管理

㊗大家3⃣8⃣婦女節快樂🌈🌸 Happy Women’s Day💕 超級感謝 Iris 媽媽嘅真情流露分享, 我無諗過佢會寫咁長嘅信俾我👉🏼👈🏼~~ 早兩日收到佢張相, gorgeous!✨🤩 真係好靚靚呀!*佢話減完後佢 #自我感覺良好, 其實我都係呀!(記得我係完美主義控喔 😎 望住我嘅作品, wow, *我都要讚下佢同我都 good job!* 👈🏼 自我陶醉中☺) 我仲記得我地第一次見面, 我已經感覺到她內心那份擔憂, 而我一聽見咁後生, 仲有2個小朋友, 就已經開始要食糖尿藥, 一定要同佢一齊好好努力💪🏼 *目標係減磅減藥**💪🏼😉

#自我感覺良好 #身型靚晒 #妊娠糖尿 #糖尿 #減藥 #還原靚靚 #開心住瘦 #我們相遇是緣份 #醫生都驚訝 #可以食零食 #體重管理

戰績: 6個月減咗 20.3磅 (由151.2減至130.9磅), 脂肪由37.2%減至30.8%)  😊

IMG_2189

IMG_6420

多謝Iris的分享:

早在9年前仲喺陀住家姐嘅時候,產檢時發現有妊娠糖尿病,由於指數唔喺太高,所以都喺戒口同每日篤手指MONITOR住 ,生完後,血糖就回復正常。

6年前有咗妹妹5個月時,又發現高血糖,今次唔可以只戒口,要學打胰島素加每日篤手指,一日打3針,篤7次手指,當時唔知邊到嚟嘅勇氣,日日如事直到妹妹出生。記得生完之後內分泌醫生同我講再檢查過,血糖喺回復正常,但要好好管理自己飲食,因為我有家族遺傳,5年後會有糖尿病比正常人多50%。點知,就真喺俾醫生講中咗,上年心血來潮想買份保險,做身體檢查時發現空腹血糖好高,之後自己篤返手指,空腹指數喺去到11mmol上下,即刻就去睇專科,醫生亦即開藥俾我,叫我要恆常做運動減肥,對個病有好處。我問醫生:有無機會可以減到藥呢?有無人可以改善到唔駛再食藥呢?醫生答:減藥都好難,100個只有1個可做到。戈刻心情極度底落。因為之前學打胰島素時有問過姑娘:點解大肚婆一定要打胰島素,唔可以食藥嘅?姑娘答我:因為食藥始終會對肝腎起副作用,怕會影響媽媽同BB,所以直接打胰島素會比較安全。即喺依家要開始食咁多藥,將來對身體唔多唔少都有負荷。

之後有一次一位好朋友為我分憂時,佢介紹咗Katrina俾我,二話不說,即約見。本身有150幾磅嘅我,好希望可以減到藥。當時我同Katrina講減肥喺bonus,我最想喺可以減藥。之後跟咗Katrina半年,終於終於…減咗廿磅,再去覆診時醫生都好驚訝,我減到咁多,空腹血糖回落到5.1mmol,醫生話通常男性先可以減到咁多磅數,女性當中我算喺第一名,醫生就決定減藥一半。當日我開心到不能用筆墨可形容,Katrina幫我”lok”咗醫生”扒”牙呀,YEAH~~

喺呢段時間我覺得Katrina喺一位好有心嘅營養師,佢會俾因我嘅生活習慣開餐單俾我,唔喺咩都唔食得,其實喺可以食好多嘢,仲可以食零食,只喺要好好選擇食物同份量就得。Katrina每次都會鼓勵我,就算偷食落唔到磅都鼓勵我(以前見嘅營養師只喺鬧喺咪偷食)。我喺Katrina身上學到好多,依家都會用返呢啲智識好好管理自己體重。我仲介紹埋媽咪去跟Katrina。

其實除咗減藥,依家身型都靚咗好多(自我感覺良好中),Katrina令我有勇氣再次著起婚紗同兩個囡囡一齊去影咗一輯好有意思嘅相,成為我哋母女之間一個美好回憶。

真喺好衷心多謝Katrina!

iris 分享1iris 分享2

~查詢 /預約 (可致電 /Whatsapp : 5533-1058 )~

<<食得飽, 不捱餓, 無產品銷售, 亦無額外收費>>

**更多會員分享>>  請按此

營養師 Katrina

  • 美國註冊營養師 兼 美國兒科專科營養師Katrina2
  • 美國體重管理教練
  • 美國肯塔基大學營養及飲食治療碩士
  • 香港中文大學食品及營養科學學士
  • 歷任港安醫院臨床營養師、美國 St Joseph Hospital (聖約瑟醫院) 臨床營養師
  • 美國營養師學協會會員
  • 美國營養學會 (執業兒科營養) 會員
  • 美國海外營養協會會員
  • 香港兒科學會 (Associate Member)
  • 香港過敏協會 (會員)
  • 香港執業營養師公會會員
  • 香港公開大學客席講師
  • 煤氣烹飪中心客席導師

《蘋果日報》: 【減肥迎夏日】 IU飲水快速減肥法 究竟work唔work?